恐速龍的旮旯 - DinoRex's Corner

話說某日去奧本(Auburn, 即係 中東/土耳其/中國 之龍蛇混雜之區) 購物, 小兒見到一個中東女仕在街上行, 由於該女仕是中東人仕, 所以係包晒全身的 (你冇睇錯, 係全身). 只係眼部作少許野外露出 )..

咁我個仔就口不轉睛地, 由頭到腳咁望住佢, 咁個女仕見阿仔都好得意, 又同佢玩左一陣..

之後阿媽買完野歸位, 阿仔就雞咁腳走埋黎, 劈頭第一句就問阿媽:「點解個人咁得意既? 由頭包到落腳, 咁佢點食野呀…」

阿媽:「…….」(因為已經畀呢個問題笑到唔知點答,不能言語,只識架架聲笑)

話說仔仔今晚玩得太癲, 差D撞向塊玻璃度, 咁阿媽同個仔就出現以下對話:-

媽: 小心唔好撞向個玻璃呀…….
仔: 點解唔好撞向個玻璃呀…….
媽: 撞向個玻璃會痛痛呀……..
仔: 點解撞向個玻璃會痛痛呀…….. (開始黎料, 好多時畀佢玩死)
媽: (死喇, 開始唔知點答) 咁撞向個玻璃會感覺痛丫嘛……..
仔: 咁點解撞向個玻璃會感覺痛呀……..
媽: (忽然諗到點答) 不如你自己試下撞向塊玻璃度試下啦…….
仔: (奸笑) 不如媽媽你自己試下撞向塊玻璃度試下先啦…….
媽: (打蛇隨棍上) 唔得, 自己試下先知痛唔痛架, 我不如幫你試下啦…..
仔: 唔得! 媽媽你自己試下撞向塊玻璃度試下先好丫嘛…….

………………. 以上方法可能係對付仔女撒野有用架, 可以自行執生使用….